NILIMPENDA KUPITA KIASI (43)

Sehemu ya 43:

Usiku ule nikiwa hotelini, bado nikiwa na nguvu za hotuba niliyoitoa, nilikaa dirishani nikiuangalia mji wa Cape Town ukiangaza kama bahari ya nyota. Upepo mwanana kutoka Mlima Table ulivuma kwa upole, na kwa mara ya kwanza katika maisha yangu nilijihisi kama mtu aliyefika mbali kuliko alivyowahi kujitamani.

Simu yangu ililia. Ilikuwa barua pepe mpya kutoka kwa wachapishaji wangu wa kimataifa.
Nilipoifungua, nilitetemeka kwa mshangao:

“CONGRATULATIONS TUNU!
Your book Healing Through Loss is now nominated for the Global Women Writers Award 2026  London.”

Niliiweka simu kifuani na kupumua kwa nguvu. Moyo wangu ulicheza kama ngoma ya ushindi.
Nilikuwa nimepanda mlima ambao mwanzo nilidhani siwezi kuupanda.

Hotuba Yaliyovunja Rekodi

Kesho yake, waandaaji wa mkutano walinita tukiwa kwenye hafla ya ufungaji.

Mmoja wao, mwanamke mrefu mwenye ngozi nyororo kama chokoleti iliyoyeyuka, alinijia na kunishika mkono.

“Tunu, hotuba yako imevunja rekodi ya kutazamwa mtandaoni ndani ya saa 12.
Umezungumza kwa lugha ya wanawake wote duniani,
na tunataka *uwe balozi wetu rasmi wa ‘Women Rise Initiative’.”

Nilishindwa kujizuia nilimkumbatia kwa hisia kali.
Mara ghafla nilihisi kana kwamba nafsi ya mwanamke mdogo aliyewahi kuteseka, kulia gizani, na kukosa matumaini… sasa anasimama kuwa nuru kwa wengine.

Sikuamini jinsi dunia inavyoweza kubadilika haraka unapothubutu kusimama na kusema:
“Nimeumizwa, lakini sijavunjika.”

Mwito Mpya: London

Niliporudi hotelini, nilianza kupakia mizigo. Safari ilikuwa inaisha lakini safari mpya ilianza ndani yangu.

Nilipitia barua pepe ya uteuzi nikaona mstari uliogusa moyo wangu zaidi:

“Your voice represents thousands of African women who rise beyond pain.”

Safari ya London ilikuwa wiki tatu kutoka siku ile.
Nikajua moja kwa moja hii siyo tena hadithi yangu tu.
Huu ni mwanga mpya unaopaswa kufika mbali.

Nilipiga simu Tanzania. Mara ya kwanza simu ilikatika, ya pili Asha akaipokea akiwa na sauti ya uchangamfu:

“Halo mama wa Amani wa kimataifa!
Umeshamaliza kuangaza huko South Africa?”

Nilicheka kwa moyo wote.
Kisha nikasikia sauti ya Amani, nyororo na tamu:

“Mamaaaa! Nimekuchoookaaaa. Ujirudi!”

Machozi yalinibubujika taratibu.
Kwa mafanikio yote, kwa safari zote Amani alikuwa bado ndio moyo wangu.
Ndoto yangu.
Nguvu yangu.

Nikamjibu kwa sauti iliyovunjika na mapenzi:

“Mama anarudi, mwanangu.
Alafu tutapanda ndege pamoja… tutaenda mbali.”

Kurudi Tanzania  Sura Mpya

Nilipowasili uwanja wa ndege Julius Nyerere, niliwaona watu wachache wamesimama na mabango:

Nilikuwa nimeshtuka.
Sikuamini kuwa mimi Tunu niliyeanza safari hii nikiwa nimevunjika, leo napokelewa kama mtu anayewasha taa.

Amani alinikimbilia, akajishika kiuno changu, uso wake mdogo ukizama kifuani kwangu.
Nikamwinua, nikamzungusha, nikamgusa paji la uso.

Asha akasema,

“Uliondoka kama mtu aliyepona…
umebakia kama mtu aliyezaliwa upya.”

Nilitabasamu.
Sikuweza kupingana.

Mwisho wa Sura… Mwanzo wa Safari

Wiki chache zilizofuata zilikuwa kama upepo wa neema:

Makala kwenye runinga kadhaa.

Mahojiano kwenye redio.

Mashirika ya wanawake yakinitafuta.

Wahariri wa vitabu wakiniomba niandike kitabu kingine cha safari yangu.

Kisha siku moja, nilipokuwa naandika kwenye simu, nilipokea ujumbe kutoka kwa shirika lililoniteua tuzo:

“London awaits, Tunu.”

Niliposhika simu, moyo wangu uligonga kwa nguvu.
Niliangalia upande wangu Amani alikuwa amelala, uso wake umetulia, mikono yake midogo ikikamata dole gumba langu.

Nilimwangalia, nikamshika kwa upole na kusema kimoyo moyo:

“Tunasafiri pamoja, mwanangu.
Safari ya ndoto imeanza.”