LOML | Love Of My Life (97)

𝐋𝐎𝐌𝐋 (𝑳𝒐𝒗𝒆 𝒐𝒇 𝒎𝒚 𝒍𝒊𝒇𝒆) ❣️:97
𝕾𝖎𝖒𝖚𝖑𝖎𝖟𝖎 𝕷𝖎𝖇𝖗𝖆
Nilishangaa, nilishindwa kujizuia kabisa kumuuliza swali hili “umejuaje ni mimi?”
Alinijibu kwa upole “hisia na kumbukumbu zangu. Nikimsikia mtu mara moja basi hata upite muda kiasi gani, nitafanya jitihada bila kukosea nitajua tu.”

Nilitabasamu na kusema “safi sana, nimefurahu.”
Pina akaniuliza “unataka nini Rodricky?, umepata vipi namba yangu kwasababu sikumbuki kama nilikupatia.”

Nilianza kujiumauma, aliniendelea na kusema “alright, ni sawa haya unataka nini?, nilishasema kuwa sihitaji unitafute tena, sihitaji.”

Nilijibu kwa upole “nakuomba usikate simu Pina. Nisikilize huna haja ya kuwa na hasira. Mimi sio mtu mbaya, nilitaka kukujulia hali, na kuomba kukuona tena. Naomba nikuone tena, nahitaji kuzungumza na wewe tena, nakuomba.”

Pina alinijibu bila kuficha “haiwezekani, hapana Ricky, sihitaji kukuona tena, naomba kaa mbali na mimi.”
Alikata simu, niliita ili hali najua amekata simu “Pinaaaa!!, Pinaaaaa!!!, Pinaaaa!!!”

Nilitoa simu masikioni na kusema “ni nini tena hiki, Mungu wangu. Pina hataki kuzungumza na mimi. Ooh.”
Nilijilaza pale kitandani, nilijisikia vibaya na ndani yangu nilidhamiria lazima nitaenda kumuona tu nyumbani kwao ni lazima.

Sikutoka hata chumbani kwangu, ninakumbuka nikiwa chumbani rafiki yangu Willy alipiga simu. Aliniambia “kaka unakwama wapi, wale wateja wamekuja wanahitaji mzigo wa kutosha na wewe huokoti simu, nimefika mpaka kazini kwako sikupati. Hakuna anayejua taarifa zako tunafanyaje kazi namna hii kaka?”

Nilivuta pumzi na kusema “nisamehe sana kaka, nisamehe sana. Unajua mke wangu alipata changamoto. Mimba ikaharibika basi ndiyo imekuwa hivyo hapa bado yupo hospitali.”