LOML | Love Of My Life (169)

𝐋𝐎𝐌𝐋 (𝑳𝒐𝒗𝒆 𝒐𝒇 𝒎𝒚 𝒍𝒊𝒇𝒆) ❣️:169
Kiukweli kabisa, natamani sana nifumbue macho yangu nione mwanaume mzuri namna hii anafanana vipi, nataka nione Gabby alicho poteza. Ricky sauti yako inaonesha ni namna gani ulivyo mwenye huruma, upendo na busara.

Hakuna na hayupo mwanamke hataki mwanaume kama wewe hapo. Nakupenda sana, tena sana tu ila si unaona hadithi niliyokuwa nakusimulia ni inataka kufanana, mama yako hanitaki mimi.”

Nilitabasamu na kusema “hii ni tofauti sana Pina. Sema ndiyo uone tofauti yake.”
Pina alitabasamu na kusema “Nakupenda sana Ricky, Nakupenda na sitamani kukupoteza.”

Nilimkumbatia na kusema “tofauti ni kuwa mimi nakupenda sana, mimi nakupenda kweli, mimi Ricky nitahakikisha unakuwa na furaha watake au wasitake na wala sitaki ujisikie vibaya kwenye hili. Nataka wewe uwe mwanamke mwenye furaha sana.

Nakuhakikishia hili kwasababu najua shida yao, na mimi sitakubali hilo itabidi watuzoee, kwasababu ninapenda.”
Nilimtazama na kusema “lakini mimi sioni.”

Ricky mimi nilitabasamu na kusema “Sijali, mimi najali upendo wako peke yake. Kama suala ni macho tutatumia hata yangu. Na kama ni yanaweza kupona nakuahidi nitafanya juhudi uwe kama zamani ili uendelee na kazi kama zamani.”

Pina alinikumbatia kwa nguvu akisema “ndiyo maana ya kuwa wewe ni hatima yangu, yes you are, My fate!!. Siamini kabisa masikio yangu. Ina maana utanilipia gharama za matibabu?”

Nilimwambia kwa tabasamu “na kila kinachotakiwa wewe uone kwasababu hukuzaliwa hivi basi kuna namna na kama ikishindikana mimi bado sijali, nautaka tu moyo wako uwe wangu Pina.”