LOML | Love Of My Life (30)

𝐋𝐎𝐌𝐋 (𝑳𝒐𝒗𝒆 𝒐𝒇 𝒎𝒚 𝒍𝒊𝒇𝒆) ❣️:30
Vile narudi ndani ya gari ili niondoke, nasikia sauti ya baba yangu ikisema “karibu sana kijana wangu. Nimefurahi sana kukuona.”

Nilitabasamu na kusema “baba yangu.”
Hapo nilikuwa nazuga tu ila ukweli ni kuwa nilikuwa nataka kuondoka.

Baba yangu alinifuata na kunikumbatia, ananipenda sana baba yangu. Nilimkumbatia pia. Baba alinitazama na kuniuliza “mkwe wangu yupo wapi, mnatakiwa kuwa wote.”

Nilitabasamu huku moyoni naumia.Laiti wangejua huyo mkwe ni mjinga na mpumbavu ndiyo amenifanya kijana wao niwe hapa bila kupenda. Nilijifanya nachekacheka nikisema “nilikuwa napita mitaa hii nikaona niwasalimie. Mama yuko wapi?”

Baba alinitania akiwa ameshika mkono wangu “unatakiwa kutembea na mke wako bwana wewe bado kijana ringa na mkeo.”

Nilitabasamu tu huku tunaingia ndani, lakini tulipofika mlangoni baba yangu aliniuliza “upo sawa kweli mwanangu?”
Nilimuuliza baba yangu “kwanini baba?”

Alinitazama na kisha mikono yangu halafu na mimi nikajitazama. Baba yangu alisema “unatokwa na jasho, macho yako, uso wako, sikuoni kuwa sawa kama kuna tatizo niambie, mimi ni baba yako.”

Nilitabasamu tu na kisha nilisema “nimechoka sana baba, kuna muda ni kama homa inani nyemelea hivi mwanao. Ila nitakuwa sawa.”

Baba alisema kwa upole “pole sana mwanangu, uchovu na vipi kazi umeanza?”
Tukawa tunaendelea kuingia ndani huku namwambia baba yangu namna ambavyo ndiyo najiandaa wiki linalofuata nianze kazi.