SEASON 2: LOML | Love Of My Life (68)

𝐋𝐎𝐌𝐋 (𝑳𝒐𝒗𝒆 𝒐𝒇 𝒎𝒚 𝒍𝒊𝒇𝒆) ❣️:68
“Usiniache hapa Pina nakuomba, nahitaji mtu wa kuzungumza naye walau nijisikie mwepesi. Walau aniambie kila kitu kitakuwa sawa, aniambie nitakuwa sawa, mimi nitakupeleka popote, Pina unaweza kubaki na mimi kwa muda hata kidogo tu, hata kidogo.”

Niliona macho ya msichana huyu yanajaaa hisia za maumivu, sasa yeye haoni, ila mimi naona Kwahiyo nina mtazama na vile na Mimi nina maumivu makali sana moyoni mwanangu hata kuelezea haya maumivu ni ngumu sana.

Msichana huyu alipiga hatua chache kunisogelea, halafu aliinua mkono wake mmoja na kuanza kunipapasa usoni, alinipapasa kwa namna ambayo mimi vile ananigusa ninasikia amani sana. Halafu alinikumbatia, sijui nikuambie nini.

Sikuwahi kuhisi, sikuwahi kujua, kuwa kwenye haya maisha yangu, siku moja kumbato tu kutoka kwa msichana wa aina ya Pina litakuwa dawa kwangu. Nimetoka kWa familia nzuri, mimi nyumbani kwetu kila kitu tunatatua kwa pesa.

Kumbe kuna mambo pesa haiwezi kufanya. Pesa haiwezi kukupa furaha kama hauna amani. Nilijikuta nasema kwa upole “nashukuru sana Pina, Nashukuru sana Pina.”

Mimi ni mwanaume, Tena mwanaume ambaye ukiniona unasema kabisa kaka yule ni mtu makini sana, hana masihara muda wote yupo serious, muda mwingi yupo makini sana lakini wakati huu sikuweza, nilikuwa nalia, nilikuwa naumia, nilikuwa sijisikii vizuri tena, sikuweza kuyazuia machozi yanayotoka kwenye moyo wangu uliojaa huruma ya kutosha sikuweza.